影片
更多
2017-09-23
811 浏览
人在江湖，喺內地公幹時早餐食得最多嘅就係手工石磨腸粉。返到香港，無論酒樓定"功夫"點心店食來食去都係啲卷得靚靚但咬落一舊粉嘅厚皮腸，難免懷念失落悶。今朝經過巷仔路口，見到大大個易拉架白底紅字「廣州腸粉」，心諗遇到我呢個腸粉達人算你唔好彩，等我會一會你先。經過半個停車場，雖然偏辟啲但亦唔算難搵，鋪仔細細但好新淨應開張冇耐。門口貼左兩幅卷得好靚嘅P圖腸粉相，心諗「又係呢啲？」有啲想棄權。點知再向前一望就發現一台閃閃發光地冒出陣陣蒸氣嘅方箱物體，係佢啦！二話不說坐低先講。跟住到重要嘅點餐環節，好多選擇喎。本來想點個薑汁豬潤腸，因為內臓類一向難處理得好，薑汁份量又係比較難掌握嘅，係咪罐頭嘢定生磨一食就知。點知跟住老闆娘出場，一句就KO左我。「試下蝦醬腩肉腸啦，秘製第度冇得食架！」，老闆娘一句裡面竟然點中我兩個死穴，又點到我唔就範呢？就蝦醬腩肉腸..........加蛋啦！(垂死掙扎)之後老闆出場，扎穩馬步，喺顧客面前即場示範整腸粉，真係使出真功夫，方為大師傅！等左十分鐘左右，其間同老闆夫婦吹吓水，終於有得食啦！一上枱見到層層疊住，薄如粉皮嘅腸粉，真係正宗廣州石磨腸粉喎，賣相比滿分，呢個滿分係比
今朝經過巷仔路口，見到大大個易拉架白底紅字「廣州腸粉」，心諗遇到我呢個腸粉達人算你唔好彩，等我會一會你先。
經過半個停車場，雖然偏辟啲但亦唔算難搵，鋪仔細細但好新淨應開張冇耐。
門口貼左兩幅卷得好靚嘅P圖腸粉相，心諗「又係呢啲？」有啲想棄權。
點知再向前一望就發現一台閃閃發光地冒出陣陣蒸氣嘅方箱物體，係佢啦！二話不說坐低先講。
跟住到重要嘅點餐環節，好多選擇喎。
本來想點個薑汁豬潤腸，因為內臓類一向難處理得好，薑汁份量又係比較難掌握嘅，係咪罐頭嘢定生磨一食就知。點知跟住老闆娘出場，一句就KO左我。「試下蝦醬腩肉腸啦，秘製第度冇得食架！」，老闆娘一句裡面竟然點中我兩個死穴，又點到我唔就範呢？就蝦醬腩肉腸..........加蛋啦！(垂死掙扎)
之後老闆出場，扎穩馬步，喺顧客面前即場示範整腸粉，真係使出真功夫，方為大師傅！
等左十分鐘左右，其間同老闆夫婦吹吓水，終於有得食啦！
一上枱見到層層疊住，薄如粉皮嘅腸粉，真係正宗廣州石磨腸粉喎，賣相比滿分，呢個滿分係比喺正宗地道方面，唔係講緊睇落靚唔靚。咪講笑試味先。
個粉夠滑，最重要係夠薄。老闆喺蒸箱拎出黎果時睇到皮面有氣泡，真係夠薄先吹得起泡架。另外個米醬老闆話要朝朝即磨絕不能過夜，果然滑得有道理！
之後試老闆娘推介嘅秘製蝦醬腩肉，香得黎唔咸喎，問老闆呢個咩蝦醬，原來係泰國入口，果然係有秘方！
食腸粉除左料之外個味主要黎自豉油，所謂成也豉油，敗也是由(我作嘅）。
呢度個豉油絕對係成嘅代表，食腸粉最忌豉油太多食到最後幾啖太咸，太少後尾又唔夠味。呢度嘅特製豉油充滿洋蔥同蒜粒嘅甜豉油，食到最後就算豉油多都唔會咸，確係一絕！
一個腸粉十六大洋，份量足食到飽飽，咁好嘅嘢當然要孝敬埋屋企兩位CEO。
老婆要加辣，偷少少試更加惹味！老媽食個冬菇豬肉，係用喙肉餅做料喎，又有驚喜一家人食三盒腸粉一舊水唔洗，食得滋味，樂也融融，夫復何求！
张贴
