影片
以上资料只供参考，请与餐厅确认详情
食羊关注组团队好友带我哋去土瓜湾寻访特色羊腩煲🐑 呢间餐厅主打食各式煲类，除咗羊腩煲仲有椰子鸡同鹅煲一嚟到就知正路，间舖充满住浓厚嘅大陆味再加麻甩味，成间嘢都系啲大汉喺度队啤先嚟一个青瓜皮蛋，调味好好多，小辣多茜好香，系好嘅开始主打酱爆羊腩煲加咗支竹大蒜心入去一齐煮，浓郁鲜甜得嚟又真系同平时食开嘅有啲唔同口味（🤔好似有加咗南乳嘅感觉），羊皮位滑又嫩食到停唔到口，萝卜清甜，不过无咗马蹄有啲唔开心追加埋竹笙，莴笋，腐竹等配料，完美 （又饱到捧住走，补到不得之了 🐑 —》🐖🐖)
继续阅读
店在不人流旺的街上，但厨师手艺不凡，今天吃了鹅煲、羊腩煲、椰子鸡煲及牛肉，菜等火锅配料。当中羊腩煲尤其美味，羊腩用料靓，吃下去不膻，有甜味，汤底尤其味美，不单枝竹吸收了羊腩的味道，加了的萝卜，甜味中有阵阵汤汁的香味，好吃到停不了。椰子鸡煲，用了新鲜椰清水做汤底，可减去吃羊腩煲的浓味，清甜。鸡肉用点慢煮的方法，嫩滑不老。鹅煲，碍于香港没有新鲜鹅，虽然调味不错，可惜鹅本材料所限，但如果加入豆卜之类的食材，吸收汤汁，再吃，仍然不失一道好菜。店主待人态度和譪亲切，沏的茶清香顺滑，有助消化。店，一定会再来光顾。
继续阅读
人在江湖，喺内地公干时早餐食得最多嘅就系手工石磨肠粉。返到香港，无论酒楼定"功夫"点心店食来食去都系啲卷得靓靓但咬落一旧粉嘅厚皮肠，难免怀念失落闷。今朝经过巷仔路口，见到大大个易拉架白底红字「广州肠粉」，心谂遇到我呢个肠粉达人算你唔好彩，等我会一会你先。经过半个停车场，虽然偏辟啲但亦唔算难揾，铺仔细细但好新净应开张冇耐。门口贴左两幅卷得好靓嘅P图肠粉相，心谂「又系呢啲？」有啲想弃权。点知再向前一望就发现一台闪闪发光地冒出阵阵蒸气嘅方箱物体，系佢啦！二话不说坐低先讲。跟住到重要嘅点餐环节，好多选择㖞。本来想点个姜汁猪润肠，因为内臓类一向难处理得好，姜汁份量又系比较难掌握嘅，系咪罐头嘢定生磨一食就知。点知跟住老板娘出场，一句就KO左我。「试下虾酱腩肉肠啦，秘制第度冇得食架！」，老板娘一句里面竟然点中我两个死穴，又点到我唔就范呢？就虾酱腩肉肠..........加蛋啦！(垂死挣扎)之后老板出场，扎稳马步，喺顾客面前即场示范整肠粉，真系使出真功夫，方为大师傅！等左十分钟左右，其间同老板夫妇吹吓水，终于有得食啦！一上枱见到层层叠住，薄如粉皮嘅肠粉，真系正宗广州石磨肠粉㖞，卖相比满分，呢个满分系比喺正宗地道方面，唔系讲紧睇落靓唔靓。咪讲笑试味先。个粉够滑，最重要系够薄。老板喺蒸箱拎出黎果时睇到皮面有气泡，真系够薄先吹得起泡架。另外个米酱老板话要朝朝即磨绝不能过夜，果然滑得有道理！之后试老板娘推介嘅秘制虾酱腩肉，香得黎唔咸㖞，问老板呢个咩虾酱，原来系泰国入口，果然系有秘方！食肠粉除左料之外个味主要黎自豉油，所谓成也豉油，败也是由(我作嘅）。呢度个豉油绝对系成嘅代表，食肠粉最忌豉油太多食到最后几啖太咸，太少后尾又唔够味。呢度嘅特制豉油充满洋葱同蒜粒嘅甜豉油，食到最后就算豉油多都唔会咸，确系一绝！一个肠粉十六大洋，份量足食到饱饱，咁好嘅嘢当然要孝敬埋屋企两位CEO。老婆要加辣，偷少少试更加惹味！老妈食个冬菇猪肉，系用喙肉饼做料㖞，又有惊喜一家人食三盒肠粉一旧水唔洗，食得滋味，乐也融融，夫复何求！
继续阅读