Mini Club (已結業)

呢間餐廳無論環境， 食物擺設，食物質素都靚到癲咗，靚到癲咗，靚到癲咗，重要嘅嘢真係要講三次，入到嚟絕對少女心爆發。Honey bee cocktail 靚到真係唔捨得飲， 窩夫餅下面係蜜糖， 可以點窩夫餅食 。但我覺得成杯cocktail嘅精髓係在於佢嘅蜜糖蜂巢 ，證明真係用新鮮蜂蜜。strawberry me 成杯望落好豐富， 仲有枝針筒畀你玩， 玩味性好重。呢杯嘢真係不得了， 上枱後侍應會幫你點火，純對要喺ig動態分享。生蠔雖然唔係話好大隻，但勝在夠新鮮。炭燒德國腸拼盤有五種不同款嘅腸， 連個醬都有三種唔同味可以選擇， 拌碟嘅生菜都好新鮮，忍唔住成碟清曬。狂野摩天輪， 上面係炸物 ， 全部唔同款， 兩三個人share每人可以食一兩件， 啱曬貪心嘅我哋，仲可以邊食邊飲cocktail，chill 下。成餐飯其實我覺得個巴黎鐵塔甜品先係主角， 個塔下面會噴煙，靚到癲咗， 影相呃like一流。