巴巴串 (已結業)

天氣咁熱，好想嘆住冷氣食串燒，觀塘駱駝漆大廈一期嘅巴巴串可算係觀塘區人氣串燒食店，平日7:30前離座，120分鐘任飲任食都只係$198，而且串燒、海鮮、熟食同甜品，各式各款質素都非常好，串燒幾十款整整齊齊放置係冰櫃內。食串燒要好有耐性等，呢度個爐自己轉丫轉丫😂受熱均勻，又唔洗睇火，咁就可以安心先食下其他熟食先，邊等邊食邊吹水😄。熱食前菜有幾款：炒飯、炒蜆、上湯娃娃菜、芝士焗生蠔🦪；芝士焗蠔好香口，食左幾轉😋。👇🏻凍食前菜都有好幾款，我最意一定係卓蝦同青口，好鮮甜。👇🏻串燒花多眼亂🤣，我最鍾意係牛舌、叉燒、牛肋肉、牛柳、豬腩肉、雞翼，真係冇得輸，牛舌粒好厚身，口感好好，牛味好重；叉燒係呢度招牌，燒到小小燶邊，增加多份焦香，外脆內軟；牛肋肉、牛柳肉味好濃郁，好多肉汁；豬腩肉爆晒油花，越燒越香；雞翼就唔洗講，串燒必點….  仲有一個值得一提☝🏼，將蒜蓉包燒都外脆內軟，真係好好食架😋👍🏻食到咁上下就開始網燒，放個網係一邊，網上放上白蜆、扇貝、蝦🦐，呢幾樣真係要攞多幾轉😂⋯⋯真係好新鮮。甜品都有好多款式，細細個好精緻，可以試多幾款😋。