巴巴串 (已結業)

呢間放題係觀塘工廈，但環境出奇地乾淨企理，工業風裝修，幾有感覺！😽料理除佐串燒係任食，樓面仲有其他料理都係自取任食，款式都幾多，而且會不停refill，保持新鮮，蒜蓉蓮藕片，炒茄子，炒青瓜，蒜蓉炒菜心，呢啲唔同既蔬菜料理都唔錯，全部都整得好入味，又食到蔬菜既鮮味；另外炒雞腎片都好好食，雞腎片幾爽脆，口感幾好，好有嚼勁，淨係呢嚼料理都好多選擇啦！😸串燒蔬菜我最中意食佢地既粟米，好大碌串好晒係簽上面，再放係爐上面就會自動咁燒，溫度控制好方便，燒得又均勻，大大粒既粟米好爽甜，好味呀！😻串燒海鮮海鮮既選擇都好多，好似啲蜆就可以放係爐上面就咁燒，勁之方便，蜆肉大大粒又無沙，好鮮甜；另外既多春魚都好肥美，勁多魚春勁好食，燒到表面焦香咁食就最正！