瓏門冰室 (已結業)

上次來龍門已經係十月尾，那天叫咗佢個較受歡迎嘅 3.6 特濃牛乳芝士玉子常餐，當中最出色嘅係玉子，不但蛋味夠香，而且又夠滑，餡料（鹹牛肉同芝士）仲非常多，多到漏哂出嚟😮。奶茶同醬多屬正常水準，唯一要改善係個沙嗲鮮牛肉公仔麵，個麵煮到好腍🥺，湯底亦略嫌淡咗少少，不過牛肉嘅份量就非常多，沙爹味都合格。進食途中食客不時會一齊喊口號，好熱血，又會同出面等緊位嘅人一齊做手勢，一切盡在不言中。除咗營運食肆，龍門又會安排好多訓練畀青少年，等佢哋學習一技之長，仲可以賺返少少生活費，非常有意義。所以，幫襯龍門，其實就等於支持年青人，你唔係唔撐呀？