印尼餐廳 (已結業)

又到晚飯時間~去開尖沙嘴，於是決定食好耐無食嘅印尼餐廳 呢度一直係我心水餐廳其中之一前菜一定唔少得我最愛的加多加多印尼沙律香脆又甜甜地嘅蝦片配埋惹味嘅醬汁，好重花生味，撈埋啲菜同豆乾，啲醬好味到令本身唔鍾意食芽菜嘅我都唔揀飲擇食了輪到主菜，次次黎都係叫巴東牛肉同串燒，今次決定試新野，試下印尼風味的咖喱雞！雖然賣相唔精美，但一食落口，果然冇令我呢個咖喱迷失望 :目 咖喱一啲都唔辣，唔似印度咖喱同中式咖喱，但又比日本咖喱多左啲香料味，又香又甜，成餐飯忍唔住不停撈汁食飯~不過啲薯仔就淡味啲，同啲雞都無咩味，不過咖喱搭救都OK嘅，下次試下羊肉先~仲有個每次必叫的粟米餅好香口好脆，餡料除左有粟米仲有啲雜菜，就咁食的話個粟米甜味都幾出~再唔係我都鍾意點加多加多個汁食~今晚食到好滿足一個字，正！