影片
更多
2022-09-08
366 浏览
差唔多每個人心目中都有一間"飯堂餐廳"，每食完一餐都會同自己講，"一次嚟一定要試埋呢樣"﹐或者"下次嚟一定要 encore 嗰樣"，點子冰室對筆者嚟講就係咁嘅地位。先講早餐，炒蛋夠香、夠滑、夠熱。呢樣都尚且基本要求，但往往喺細節位體現出菜色設計嘅用心﹕早餐配嘅係丹麥多士，將成個進餐體驗提升，有歐陸嘅感覺，多士外脆內鬆化，烘得夠香，牛油份量適中且搽得平均，令人回味。然後係午餐，ABCD 餐通常都有一個常規，A係碟頭飯，勝在均衡，B係焗飯，焗得夠透夠焦香，C係鐵板餐，絶對大份豪華，仲有即場淋啫啫汁，夠晒情懷，D係炒粉麵，夠鑊氣。仲有點子撈，個人推介瑞士雞翼撈公仔麵，雞翼肉質細滑，瑞士汁夠入味，公仔麵夠彈牙，可以揀配芝士汁、秘製蔥油汁、瑞士汁，建議每種汁試一次，因為各有特色，都係水準以上自家製醬汁，真材實料，味道豐富得嚟唔會過份鹹/甜。
先講早餐，炒蛋夠香、夠滑、夠熱。呢樣都尚且基本要求，但往往喺細節位體現出菜色設計嘅用心﹕早餐配嘅係丹麥多士，將成個進餐體驗提升，有歐陸嘅感覺，多士外脆內鬆化，烘得夠香，牛油份量適中且搽得平均，令人回味。
然後係午餐，ABCD 餐通常都有一個常規，A係碟頭飯，勝在均衡，B係焗飯，焗得夠透夠焦香，C係鐵板餐，絶對大份豪華，仲有即場淋啫啫汁，夠晒情懷，D係炒粉麵，夠鑊氣。
仲有點子撈，個人推介瑞士雞翼撈公仔麵，雞翼肉質細滑，瑞士汁夠入味，公仔麵夠彈牙，可以揀配芝士汁、秘製蔥油汁、瑞士汁，建議每種汁試一次，因為各有特色，都係水準以上自家製醬汁，真材實料，味道豐富得嚟唔會過份鹹/甜。
题外话/补充资料：
1. 點子嘅同事唔止關注客人入座用膳等基本嘅服務，仲會為駕車嚟嘅客人把風，見到有抄牌行動會第一時間通報全場食客，好把握時間"看顧"好自己嘅"愛車"，免受"牛肉乾"之苦。
2. 如果你有幸同話事人東哥同座嘅話，準備隨時有驚喜，筆者有次就喺咁嘅情況下品嚐到"員工私房菜色"，就係點子秘製瑞士汁炒"豬頭肉，特色配方嘅瑞士汁完全化解豬頭肉嘅油膩，入口甘香，有時就係餐牌冇嘅嘢先突顯出廚師嘅功力，同秘方絶妙之處。
3. 店員友善親切，又好講得笑，用餐之餘試吓留意佢哋嘅互動，包你滿心開懷，夠你午飯後嘅下半日更有心機工作。
(以上食记乃用户个人意见 , 并不代表OpenRice之观点。)
张贴