低調高手大街小食

咁啱係筲箕灣食完飯，朋友話有間小食店既雞蛋仔好出名，然後就帶左我黎啦
個日食完飯都有啲夜，好彩就唔洗點排隊
落完單等左陣就好快有啦


我地叫左個黃金雞蛋仔
應該係目前最好賣既味黎
依家用咸蛋黃做既野食真係好多元化
去到雞蛋仔都可以用咸蛋黃做餡料

黃金雞蛋仔

其實個日可能師傅心情好所以手勢好
就整到皮脆內軟，好香咸蛋黃味
入面仲有一粒粒細粒既蛋黃粒

不過我覺得整體太油膩同好漏
肥到係個手隔住袋都好多油
同埋用咸蛋黃係幾新奇但太濫....
你話就間唔中食一次都還好
食太多就唔太健康啦～


推介： /5