峰景餐廳 (已結業)

又貴又唔飽加難食！服務唔係好 黑松露薯球簡直係伏 完全無黑松露 連黑松露個味都聞唔到！唔會再反黎食！啲嘢食剩左一舊 佢就即刻叫我地食埋佢 趕住想收埋隻碟 仲要望埋你食埋先走！個主菜燒春雞難食到嘔，仲有啲酸酸地🤢個牛又多根又多肥膏。係d蠔好少少 不過偏貴。再者，d酒沖得似橙汁多過似一杯酒 完全冇酒味！如果唔係happy hour買一送一根本完全唔值！最好笑係cocktail冇酒味 叫左個焦糖布丁又成個都係好重既烈酒味🙄價錢同食物同服務態度不成正比！失望！唔會再幫襯！