明記甜品 (已結業)

最近，铜锣湾好热闹，每半年就一次嘅感谢祭，搞到我哋呢边附近街坊无所适从，顿时觉得平时美食多箩箩嘅铜锣湾揾食艰难！到处排晒队，见到都打个突～但见呢间人冇咁多，好似一阵就有位，于是喺到求其食啲嘢啦～点知中伏！间嘢都开咗几耐下，明白到一个好地段嘅重要性，人流多客量唔忧，加上成本相对低，唔怪得佢咁难食都可以经营咁耐。脆皮豆丁唔脆皮，底层啲料仲硬到结冰；芒果班戟冇乜芒果，绝大部分系cream；个汤丸一食就知系雪藏货，包装嘢；腐竹糖水淡到得甜味，冇腐竹嘅香味。下次宁愿等其他糖水舖，或者宁愿唔好食。