川婆婆 (寶勒巷) (已結業)

差！！！見到咁多好評，同咗幾個朋友嚟食，點知就中伏。首先，冷氣壞咗唔講，入到去坐左一陣覺得熱，問員工可唔可以開大少少冷氣，先同我哋講要洗冷氣冇得開。其次，冇冷氣都諗住算，食食下個爐係咁熄，同d員工講，佢地過嚟整兩嘢開返個爐就算，但過幾分鐘又熄，同一個動作重複左幾次，我哋一直問員工可唔可以換枱，員工話要問下經理先，然後幾次都當冇左件事。到最尾個爐真係開唔返，先問我地換唔換，但同我哋講我地淨返10幾分鐘。仲有嘢食款式非常少，用呢個價錢食呢啲咁嘅嘢，未試過打邊爐打到咁嬲。第一次比評論，因為實在太離譜。