狀元樓 (已結業)

一心同朋友諗住嚟食潮州嘢，黎到見到個環境喺isquare入面竟然都似係一啲舊式酒樓樣有點伏味點菜時，當然想叫返啲潮州風味嘅菜式，想叫糖醋面，話今日冇跟住想叫蠔餅又話今日冇但有點奇怪嘅係有蠔仔粥，冇蠔餅，真係唔係好明點解，可能冇粉漿或者冇蛋啦?另外，仲想叫臘味飯，又話今日冇其實黎食潮州嘢 都希望食啲潮州風味嘅食物，點知咁多都冇，非常失望唯有叫其他菜。嗌咗個湯銀杏豬肚湯,味道超級咸感覺好似有好多味精咁，飲完好口渴，非常重口味另外叫咗蠔仔粥，蠔仔粥都係超級鹹，呢間餐廳嘅廚師調味確實重手咗，而且蠔都有少少腥。 小炒王反而正常但係唔稱得上好味。仲嗌咗四季豆，呢個係比較正常嘅一個菜色，但係都係偏鹹。鵝片拼盤普普通通，但價錢偏貴，唔係太值。叫咗個蕃茄浸時蔬，點知個湯底又係似味精湯，一心諗住應該係蕃茄湯底會很香濃，但黎到完全兩回事，求其切啲蕃茄喺面再加啲雲耳水煮牛肉味道ok，但都係偏鹹，重口味道唔想食。埋單七個人差唔多千九蚊， 貴都唔緊要但係唔好食，其實都唔係食咗啲乜嘢，重點是食物超級重口味，味道非常令人失望，唔會再嚟