邦爺漢堡 (已結業)

9點幾10點去，唔知係咪準備收檔啦，收錢完全冇正面望過嚟，唔緊要當你忙，外賣要加錢又唔講，掛住圍内傾住冇理過我，算都知而加要袋要加錢，都體諒嘅，拎外賣嗰陣同佢講個包嘅全名，照單睇都可以比錯我，真係好勁，遞比我嗰陣仲話係呢個，作為店員知道啲包叫咩名，出餐唔出錯好基本啦，特登嗌個冇牛成份嘅包，戒咗牛成年，食咗先知個包有牛，真心覺得好戇居，唔係想做咩西客，只係破壞咗本人原則，真係好不滿，所以先會喺OpenRice寫第一次負評，唔會再幫襯。