漁米之鄉 (已搬遷) 新店位置

呢間茶餐廳可以話係我食過甘多間之中最衰一間! 首先我每次入去,個著工人褲亞姐一定係四萬甘口問你幾多位,甘你即時會比佢態度滿分,但係你咪開心住,事關佢會帶到你行到好入,叫你坐超迫位,又或者好似我上次甘,叫你坐d滴水位。而且去多幾次你會發覺佢其實係念口簧:亞小姐,你幾多位呀?...亞先生呀,你呢,你幾位呀?當你應佢時候,你會發現佢其實係唔想你答佢! 好喇,講番食物質素,個常餐就乜都冇得簡,得叉燒同五香肉丁,d蛋或奄列就重衰,甜!叫餐飲喇,杯奶茶又有時大杯有時細杯,唔知想點? 其他食物我唔係無試過，但試問一個茶餐甘簡單野，都甘難食，其他野會好得去邊？腸粉無味兼一pat pat,個粥就超多味精。叫炒野油會多到你以為唔晒錢！好喇!食完一放低個叉,個工人褲亞姐又出場喇,佢會即刻標埋尼,好客氣甘問你:唔要lor ho ? 甘你唯有話係喇,哈!佢竟然即刻比群眾壓力我,好大聲甘同等緊位或者門口入呢客人講: 呢到喇!等呢到喇,佢地走ka la !可以話真係唔好幫襯！