夏雪 (已結業)

之前五月同同事gathering黎過，味道不錯！天婦羅烏冬係幾好味~ 男朋友未食過呢度，所以就同男朋友黎食啦~我地叫左天婦羅烏冬、牛肉烏冬、乜野濃情之戀(?)(其實係有海膽0既花之戀)同有硯0既麵豉湯，今次D烏冬就唔夠上次彈牙，而且個湯底都唔夠味，天婦羅南瓜同蕃薯都炸得唔夠透......男朋友話牛肉烏冬ok，除左上台時好香就無乜其他評語啦~ 個麵豉湯就得個咸字...... 係個乜野濃情之戀(?)好DD......上次三個人比偏辟四人卡位都叫坐得幾舒服，但今次D位真係超迫！又嘈...... 佢地格局都叫玩型格，但D waiter們有時羅住D大膠盤出出入入都真係好大煞風景......諗住食完走啦...... 個waitress執野時竟然手快倒瀉鼓油落男朋友條牛仔褲度！！佢唔洗執得咁趕呀！等我地走左先都得架......唉...... 我知男朋友食野時都對呢間野麻麻地...... 而家更加衰啦！真係對唔住男朋友，帶佢黎呢度食仲整烏糟埋條褲......下次唔會再黎啦！