記得啱啱開個陣，大排長龍，味道比而家好得好多，唔知係疫情影響定食物質素影響，確實少咗好多人。
服務：有好多空枱，不過唔知硬係唔叫人坐，要成班人望住堆枱係出面呆等，有二十幾個號碼走咗
食物：好似快餐店質素，無咗當年台灣風味，唔知係唔係用香港食材，而家完全變咗港式口味。最期待嘅擔擔麵，完全感覺係煮完個麵，放堆預早做好嘅醬上面。所有嘢感覺好似預先中央做好，佢哋再翻熱出嚟咁，無咗新鮮煮既味道，而且價錢唔平，樣樣嘢細細碟，其實加埋都差不多$450/兩位，好彩可以用$200現金卷，不過坦白講，用$250食呢堆嘢都貴，希望餐廳可以有改善，挽回班食客
