新麻蒲 BBQ (東港城) (已結業)

從來都無寫過Openrice食評，今次係第一次覺得中晒伏，希望大家唔好黎幫襯呢間野。話說我家一行三人晚上九點來到這間烤肉店，正值佢有個九點後Happy Hour二人餐$248，咁諗住哎個餐睇睇夠唔夠食先，需要再追加其他食物。點知................店員拎左個所謂”二人餐”來，份量同兒童餐都無咩分別，四款肉類，每樣得一隻豉油碟咁多，仲有兩條蝦毛（聲稱海蝦），兩片雞脾菇，兩片翠肉瓜。That’s it! 果然係傳說中的Happy Hour!! 😤當然身為有智慧的成年人，梗係唔會再追加肉類，仲伏唔夠？三個人食一個兒童餐又唔夠飽，唯有哎多個主食。正在睇餐牌之際，店員竟然話依家last order! 簡直莫名奇妙🤔😠 9:00pm 比人入去坐話開始Happy Hour, 9:10pm last order.... 你既然趕住收鋪，點解又收新客呢？我同個店員講比少少時間我睇睇餐牌，佢就真係比少少時間我，半分鐘後又來同我講last order! 火都黎埋🔥 之後求其哎左個牛肉伴飯，質數自己估，總之食到一肚氣，埋單$366，同食左空氣無分別。奉勸大家無咩事都唔好去呢間餐廳。