南亞餐廳1964 (已結業)

亞媽生日想食南亞餐廳懷舊下，食物質素比以前灣仔店差左好多。唉，真係好可惜。香草烤乳豬 $160皮肉分離又燶到燒焦晒。等左成半粒鐘，上枱時唔熱嘅，差！大蝦沙律 $100好懷舊的賣相，懷舊的沙律醬撈沙律，蝦都幾爽，不過份量太少。星洲炒米 $75都算有獲氣，不過完全冇咖哩味。秘制貴刁 $75比星米好，味道正常有獲氣。唔會太油。免翁牛扒 $148煎到好燶，又細塊。安格斯肉眼牛扒田螺薯 $218五成熟煎得幾好，粉嫰紅色，不過冇牛味，應該唔係咩靚扒。萄國雞飯 $80個汁好似忌廉湯咁嘅味，椰汁味欠奉，幾塊鷄胸件，差。牛脷會飯 $75茄汁味好濃，好似冇開水咁，得三塊咸牛脷。火焰雪山 $80純粹為左映相，幾片蛋糕，兩球雪糕，點了椰子同芒果味。炸魚薯條 $65估唔到炸魚都可以咁差，魚塊甩頭甩骨，好散好薄，仲細件過麥樂鷄。薯條落左少少辣粉惹味左。