甘味讚岐手打烏冬 (已結業)

今晚難得同囝囝撐枱脚, 他又是同一介紹, 又要去幫襯。晚上8:45, 去到剛剛有位不用等。今次首次坐近門口, 頓然發現近門的五塊玻璃門非常特別, 似是真的乾花舖上去, 摸不到但察覺到, 真的很特別, 有點和式感覺。囝囝坐下已急不及待點菜, 果然同以往一樣, 點了天婦羅併蟹柳湯烏冬, 今次是抵食的套餐, 配以小食天婦羅七味魷魚鬚, 加一杯爽滑涼粉冰,而我試試照燒雞扒湯烏冬。 食物不消15分鐘全部到來, 首先是天婦羅併蟹柳湯烏冬, 囝囝至愛, 烏冬口感及味道同以往一樣質素無變,配料都可以。而天婦羅七味魷魚鬚同上次來已無咁大碟, 味道偏淡, 只能平平吧! 照燒雞扒湯烏冬, 附近很多人選擇, 果然無揀錯, 味道香,皮脆肉質嫩, 唔錯唔錯 ! 爽滑涼粉冰, 甜度可以, 略嫌普通, 但囝囝喜愛, 無計! 佢話好過上次爆爆珠飲品。整體不錯吧 , 愉快又開心的一個晚餐。