影片
更多
2016-08-31
13285 浏览
平均每人兩杯飲品, 頭盤, main course 加埋甜品都係每位$440, 一個地鋪我認為呢度定價十分合理. 難怪我好多次行過都見佢地好旺場, 新開時仲要幾日前訂先有枱. 口味既野有好多時都各有主見, 好難得Papagago係我地3個人一致邊食邊讚. 我一向對唔湯唔水自認fusion既西餐敬而遠之, 但呢度既出品的確有番咁上下水準. 由飲品帶到落"甜品之前"我地食一味讚一味. 當中paella (for 2) 有多少瑕疵, 朋友食到蝦腸未挑淨所以有沙, 可能係我好彩, 食兩隻都無事. 另外個蝦沙律都係抵讚. 雖然係簡單既食材, 但蝦同菜都好新鮮, 撈埋少許沙律油, 醋及檸檬汁~~新鮮無比, 開胃無比 後來有位經理同我地傾計, 見佢對我地既意見好認真, 佢話飲品都係佢調配等等. 真心撐呢種咁有心有熱血服務食客既人. 不過, 重點來嘞......衰左o係個甜品手上. 甜品唔好食, 足以令一餐飯變成有缺憾 . 先講我叫既Honey Tuile Gelato ($68), 士多啤梨下面果一層, 我試左味之後成層擺番低. 陣味好似人造甜味咁而且脆與林之間....
口味既野有好多時都各有主見, 好難得Papagago係我地3個人一致邊食邊讚. 我一向對唔湯唔水自認fusion既西餐敬而遠之, 但呢度既出品的確有番咁上下水準. 由飲品帶到落"甜品之前"我地食一味讚一味. 當中paella (for 2) 有多少瑕疵, 朋友食到蝦腸未挑淨所以有沙, 可能係我好彩, 食兩隻都無事. 另外個蝦沙律都係抵讚. 雖然係簡單既食材, 但蝦同菜都好新鮮, 撈埋少許沙律油, 醋及檸檬汁~~新鮮無比, 開胃無比 後來有位經理同我地傾計, 見佢對我地既意見好認真, 佢話飲品都係佢調配等等. 真心撐呢種咁有心有熱血服務食客既人.
不過, 重點來嘞......衰左o係個甜品手上. 甜品唔好食, 足以令一餐飯變成有缺憾 . 先講我叫既Honey Tuile Gelato ($68), 士多啤梨下面果一層, 我試左味之後成層擺番低. 陣味好似人造甜味咁而且脆與林之間......唔......!! 下面個gelato, 就係一般gelato, 我食唔到有honey味呀 . 經理推介既Caramel Ice-cream ($58) 賣點係自家制. Oh no...雖然整到一支雪條咁, 但好似未雪硬就上枱, 攞唔起既 . 旁邊用花生碎墊底.....加埋caramel......vanilla ice-cream....全個組合都係林林既, 感覺麻麻. 建議用多少朱古力碎粒墊底配以少許鮮果可能會好o的. 3個甜品之中Baked Wine Pear ($68) 可算係最好, 只要啤梨個味ok, 紅酒又唔好煮到苦就收貨. 我真係希望下次再去時佢地既甜品會比到surprise我地. 但拉均計, Papagago有8.5分 . 服務都唔錯架(雖然開始時有個似係part-time既令我地摸不著頭腦, 後來避開唔叫佢就無事嘞).
我地見Papagago有做Brunch, 一定要試o下先.
张贴
