Cup Of... (已結業)

上星期六回荃灣時扭定自己耳仔一定要去呢間Cup Of... ，為的是要去試它家的台式飲品，滂沱大雨的這天也有好處因為唔需要排隊嘛！店子用上美美的粉紅色作裝潢好有少女情懷呀！ 店內的各店員亦都十分之青春可愛，而且每位都笑容可掬，在現時的後生仔女嚟講已經買少見少啦！ 坦白講我同車爸爸企咗好耐都選不到飲品，因為選擇也挺多真係有啲選擇困難症，不過我覺得第一次還是選一杯Basic飲品較好。 兵哥都好認同我嘅講法㗎！所以我點選了綜合水果茶，茶底還有三款選擇咁多，包括紅茶，綠茶和烏龍茶，最後交給車爸爸決定選了綜合水果綠茶。 而且貪心的我們還點選了1000ml的最大杯裝＄45，因為我可以攞返外家同車公公，婆婆分享吖嘛！ 這杯綜合水果茶真的十分巨大，內裏有很多新鮮生果例如西瓜，士多啤梨，芭樂，火龍，果蘋果等等！全部都好新鮮而且還會配上一小包梅粉，供客人飲完水果茶後可以吃盡所有新鮮生果有幾鬼貼心喎！味道方面喝下去都十分之清新，生果太多的緣故綠茶味就唔係好出眾喇！生果因為係即叫即切的所以感覺十分良好，但如果生果的質素可以再高一點我覺得這杯茶更值得一喝。