餃舍 (已結業)

應該係我食過最大粒嘅餃子！第一次嚟彩虹呢個商場發現都冇嘢食嘅得呢一間餃子店，但佢好似都幾多嘢食同多人坐低，所以就坐低咗。超級多餡好似將三隻餃子包埋咗一齊咁！但係佢個皮又好薄好煙韌，我見到佢有蒸籠，所以應該係蒸先至會內餡熟，皮又夠薄舊煙靭。煎韭菜餃都好食！平時唔鍾意食煎餃，但覺得好食，啲韭菜好香，個皮又唔厚，唔會粉。個面都唔腍，全間舖坐滿人，得哥仔一個非常之忙，但佢服務態度都好，欣賞佢。下次嚟彩虹會想再嚟食！