影片
以上资料只供参考，请与餐厅确认详情
估唔到呢个好旧嘅小社区，都有咁好食嘅新派小店。佢哋嘅手工饺子系必食，每一只都好大只，要分几啖先食完一只。而且皮薄同埋超多馅。我同屋企人试咗汤饺（粟米猪肉）同煎饺（芫荽猪肉），两样都好好食。但个人觉得汤饺比较出色少少，可能因为啲饺子渗入咗啲猪骨汤味。饺子餐仲包埋饮品（可选豆浆或汽水），几抵食！另外都嗌咗牛柳粒拉面，个汤底都几香同唔太油。店面企理，不过唔系好多位，最好避开食饭时间先去。又或者住附近嘅可以嗌外卖，而且仲可以平少少。
继续阅读
之前有试过佢啲饺子，真系好大粒，味道仲唔错，净食饺子都可以食饱！饺子差唔多有拳头咁大，要分几啖食今次就试下其他食物，点知都几唔错～他的拉面都有甜腐皮跟紫菜，真系好加分！叉烧拉面正正常常，没甚么特别，汤底感觉似超市买到𠮶只味，但猪扒拉面真系好推荐，块猪扒外脆内软，好好吃，可以encore！美中不足既系没酱料，希望有沙律酱点。番茄海鲜泡饭味道挺浓，带子上会有特制脆蒜，青口蟹柳正常，挺不错～总而言之，除左被大家推荐最多既饺子之外，其他野食都唔差，屋邨值得一试既饭堂～
继续阅读
探屋企经过彩虹，想系附录揾间餐厅一齐坐低食个下午茶仔😊见到呢间饺子店虽然细细间但几吸引，就胆粗粗入左去坐低🤩［手工汤饺-韭菜猪肉］6只汤饺都大大只，我一个人食左2旧已经饱饱地！入面仲要劲多猪肉，好足料☺️☺️啱晒同一家人分享🙈［袐制蕃茄海鲜汤饭］呢个汤饭个蕃茄汤底好入味，又有3-4只大青口,仲有埋帆立贝！系屋邨商场食到禁既质素既海鲜汤饭相当惊喜！👍🏻👍🏻👍🏻仲要当时有10蚊半碟娃娃菜，职员同我地讲惊我地唔够食，不过我地照叫左半碟先🙈🙈结果啲娃娃菜装满左成只碟😹😹差啲食唔晒呢间饺子店非常推荐大家去，抵食又好味🤤
继续阅读
应该系我食过最大粒嘅饺子！第一次嚟彩虹呢个商场发现都冇嘢食嘅得呢一间饺子店，但佢好似都几多嘢食同多人坐低，所以就坐低咗。超级多馅好似将三只饺子包埋咗一齐咁！但系佢个皮又好薄好烟韧，我见到佢有蒸笼，所以应该系蒸先至会内馅熟，皮又够薄旧烟靭。煎韭菜饺都好食！平时唔钟意食煎饺，但觉得好食，啲韭菜好香，个皮又唔厚，唔会粉。个面都唔腍，全间舖坐满人，得哥仔一个非常之忙，但佢服务态度都好，欣赏佢。下次嚟彩虹会想再嚟食！
继续阅读
猪扒好香卖相都ok睇落去就好有食欲🤤我几钟意佢个汁嘅味道，酸酸地甜甜地猪扒啱啱炸出嚟好脆好好食啲蛋都几香个cp值都ok五十几蚊有一餐埋单𠮶阵时发现原来有学生有9折👍
继续阅读