名館 (希慎廣場) (已結業)

第 1 次嚟銅鑼灣希慎嘅名館食飯 !! 餐牌 :豆花烤魚 (江團魚) ($298)陣容強盛 😳😳 好大條 ! 入邊仲有好多配料 , 芽菜 , 豆腐 , 黑木耳 , 好抵食 !! 魚大條又多 , 外面煎封左 , 裏面嘅魚肉仍然嫩滑 😋 少魚骨 , 好易食 ! 我哋仲加咗 4 個配菜 😂 紅薯粉 , 萵筍 , 腐竹同娃娃菜 , 每款都只係 $18 , 份量超多 👍🏻👍🏻 勁抵 !!  推介腐竹 ! 😋烤茄子 ($42)烤茄子從來冇得輸 ! 面頭嘅調味好惹味 ! 🥳翠肉瓜串 ($16)牛肉串 ($18)孜然味十分濃 , 夠晒重口味 ~冰鎮鮮菠蘿咕嚕肉 ($158)視覺效果一流 🤓🤓 乾冰加水出晒煙 , 咕嚕肉炸得好脆 , 一冷一熱 , 口感好衝擊 , 份量都多 , 推介 ! 👍🏻👍🏻椰汁紅豆冰 ($38)唔太甜 , 滿滿紅豆 !食店位置方便 , 座位超闊落 , 樓底極高 , 環境好舒服 , 食物選擇豐富 , 而且性價比好高 ! 份量夠多 , 抵食 , 推介大家嚟銅鑼灣試一試呢間 !! 🤗🤗