影片
更多
2011-04-02
65 浏览
最近，我見到有食家去 Paisano's 食 Pizza ，大大件睇嚟好吸引！ 況且又唔貴！令我十分期待！今日沿威靈頓街轉入擺花街，行幾步就去到 Paisano's 。一走入去，嘩！啲 Pizza 好大個呀！ 成24 吋直徑！我未見過咁大個架！對比店員個身就知有幾大！Pizza 有 3 種 size：14 吋 / 16 吋 / 24 吋，由 $90 ~ $280 不等；以每件為例 $25 ~ $45。Cheese Pizza $25 / Hawaiian Pizza $35 / Vegetarian Pizza $40 / Paisano's Pizza $45； 價錢合理！起初，我打算食 Hawaiian Pizza ，影相之際，菲籍女店員擺咗個 Vegetarian Pizza 上架，我即時轉軚要 Vegetarian Pizza。 Vegetarian Pizza $40 賣相好 colourful！未食都已經好開胃！ 配料十分豐富：Bell peppers, onions, mushrooms, black olives, Roma tomamtoes, garlic, sp
今日沿威靈頓街轉入擺花街，行幾步就去到 Paisano's 。一走入去，嘩！啲 Pizza 好大個呀！ 成24 吋直徑！我未見過咁大個架！對比店員個身就知有幾大！
Pizza 有 3 種 size：14 吋 / 16 吋 / 24 吋，由 $90 ~ $280 不等；以每件為例 $25 ~ $45。Cheese Pizza $25 / Hawaiian Pizza $35 / Vegetarian Pizza $40 / Paisano's Pizza $45； 價錢合理！
起初，我打算食 Hawaiian Pizza ，影相之際，菲籍女店員擺咗個 Vegetarian Pizza 上架，我即時轉軚要 Vegetarian Pizza。
Vegetarian Pizza $40 賣相好 colourful！未食都已經好開胃！ 配料十分豐富：Bell peppers, onions, mushrooms, black olives, Roma tomamtoes, garlic, spinach, pizze sauce, Mozzarella Cheeze. 一件直徑有 12 吋，相當於我兩隻手長度！ Pizza 夠哂薄，由香港人老闆及菲籍男店員做，佢哋馬不停蹄！大約 3 ~ 5 分鐘已做好一個！速度驚人！Pizza 好軟熟，配料亦夠味！真係好好食！ 巨型 Pizza 滿足我個大胃！ 如果唔夠味，餐廳提供鹽、香料及辣椒仔；另有雜誌！
我發覺大多數食客為外籍人士及菲籍，而我咪係少數嘅香港人！此外，除咗香港人老闆及搬貨員之外，其餘都係菲籍。皆因菲律賓第二語言係英文，有呢個優勢！當我要走去地庫嘅洗手間時，落樓梯見到好多掛畫，猶如一個小畫廊！相信老闆好鍾意威尼斯，有些圖畫係威尼斯背景；連地庫亦有一幅大圖畫。入去那層全部係有墊高椅， 反而地庫應該會坐得舒服啲。至於洗手間，男女各一格。總算衛生，廁格內有空氣清新劑。
张贴
