影片
更多
2017-09-17
1742 浏览
每次約fd 出來, 都會由我呢個業餘foodies 搵gathering 餐廳, 平時最鍾意試新野既我今次就選中呢間新開, 暫時全好評韓國餐廳睇番address 原來唔止餐廳係新, 連成棟商廈都係新, 好光猛乾淨, 目前只有幾間餐廳, 相信不久會成為餐廳林立熱點. 一入去管理員好nice 好有禮貌馬上過來幫我地㩒lift, 臉帶笑容. 好想比幾個讚佢餐廳裝置好溫馨, 燈係星星同月亮, 夜晚來窗上有住星月倒映真係幾靚. 原本睇完食評一心想試個芝士煱, 但見到menu最後都轉肽呢個雜錦海鮮鍋睇落實在太吸引, 暫時都未見到其他人食評, 一於身先士卒試下佢既底蘊. 問左staff 係2人份量, 除左海鮮仲會跟個麵. 唔sure 夠唔夠食, 所以野食order 住1個鍋先等待途中有2碟韓式小菜. 麻油芽菜食落清清地, 但估唔到另一碟泡茶會咁辣. 係我食泡菜(包括去韓國食) 而來最辣既. 怕辣既要小心啦. 其實我超愛呢種辣度, 不過最近要戒口, 只能小食幾片飲品我同fd 叫左個菠蘿同oreo 沙冰. menu 菠蘿沙冰明明係好靚既白色, 仲有片菠蘿係一邊架嘛. 🙈 不過味道係唔差, 酸酸好fres
睇番address 原來唔止餐廳係新, 連成棟商廈都係新, 好光猛乾淨, 目前只有幾間餐廳, 相信不久會成為餐廳林立熱點.
一入去管理員好nice 好有禮貌馬上過來幫我地㩒lift, 臉帶笑容. 好想比幾個讚佢
餐廳裝置好溫馨, 燈係星星同月亮, 夜晚來窗上有住星月倒映真係幾靚.
原本睇完食評一心想試個芝士煱, 但見到menu最後都轉肽
呢個雜錦海鮮鍋睇落實在太吸引, 暫時都未見到其他人食評, 一於身先士卒試下佢既底蘊. 問左staff 係2人份量, 除左海鮮仲會跟個麵. 唔sure 夠唔夠食, 所以野食order 住1個鍋先
等待途中有2碟韓式小菜. 麻油芽菜食落清清地, 但估唔到另一碟泡茶會咁辣. 係我食泡菜(包括去韓國食) 而來最辣既. 怕辣既要小心啦. 其實我超愛呢種辣度, 不過最近要戒口, 只能小食幾片
飲品我同fd 叫左個菠蘿同oreo 沙冰. menu 菠蘿沙冰明明係好靚既白色, 仲有片菠蘿係一邊架嘛. 🙈 不過味道係唔差, 酸酸好fresh, 好香菠蘿味, 我個人幾鍾意. 不過fd 就覺得太酸, 佢鍾意oreo 多d (個人覺得有d 甜同唔夠香). 口味各花入各眼啦
終於等到海鮮鍋啦! 準備都有段時間, 不過上到來真係好震撼, 超大條魷魚同八爪魚!!!
煲滾後會有staff 幫手切細魷魚同八爪魚
等待中已經流哂口水, 因為好鮮香
海鮮除左mega size 魷魚同八爪魚, 仲有青口, 鮮蝦, 蜆等. 其中最鍾意個魷魚, 肉質厚身軟腍, 八爪魚口感就比較有嚼勁同結實, 蝦, 青口都好新鮮. 有d 可惜係個幾粒蜆好細粒同埋有d腥.第一次淨食海鮮都半飽.
其他配料都好豐富, 有韓式年糕, 超吸湯白蘿蔔, 娃娃菜, 菇, 豆腐, 西洋菜等. 食得7788, 麵出場.
原來係烏東, 應該會更有口感. 但唔記得熄火煮耐左😂 口感打左折扣, 但味道仍然十分美味.
無味精/artificial調味, 只係海鮮同蔬菜煲成真正海鮮湯, 湯頭好鮮甜. 雖然已經飽, 但都忍唔住畢左幾碗湯飲. 最後成煲比我地清得乾乾淨淨. 原本仲有d 擔心淨叫一個煲會唔夠飽, 估唔到原來岩岩好, 超滿足
每張枱小擺設都唔同, 我超鍾情隔離枱呢款水滴鬱金香~ 臨走前都要影番張😆
全晚我個fd 都講左3, 4次呢度環境好好. 始終新開張, 所有野都新淨, 卡箱座位好舒服, 一邊就係落地窗, 佈置好有心思
臨走前見到佢新開張個lunch/ tea menu 超抵, 下次一定要再過來試下
张贴
