萬芳冰室 (已結業)

呢度已經係第二次嚟，上次見人地食啲雞脾又大隻又香，今次又點左份"炸雞脾出前一丁餐"一上枱隔離個兩個呀姨都望一望嘩！真係勁大隻，成隻手掌咁大呀！雞脾一上枱已經聞到香噴噴，一切落去脆卜卜，仲有D肉汁流出本身雞脾係有醃過既，唔會太咸，而味道就好似細個時係啲舊式快餐店買到既炸雞脾一樣，不過呢個係加大版呢！出前一丁亦可以選 硬／適中／軟，跟個餐叫係唔使另外加錢既～～上次其實係叫咗個常餐，同外面茶記差唔多，無咩特別，但如果要食雞脾，一定會返來食喇！如果一個女仔食，可以叫雞脾配沙律，一個一丁加咁大隻雞脾，真係飽到項點！我到夜晚都落唔到隔呢！