Exotica Gelatea (已結業)

前排做完 facial 經過 Times 見到呢間漢堡店，歐式歌劇風嘅設計好特別，仲見到有男友最鍾意食嘅和牛漢堡，所以就 mark 住帶佢黎試下 🤤Wagyu Burger 和牛漢堡（Combo）個包大大個又香又軟熟 😍 和牛好厚身，一咬落去 d 肉汁滴曬出黎 🤩 配合埋半溶嘅芝士，同埋鮮甜嘅蔬菜，成個口感同味道都好豐富又有層次，大推 😋Pork Burger 豬肉漢堡（Combo）豬肉漢堡出左芝士同埋蔬菜，仲有大量煙肉，味道偏鹹香，豬肉依然十分 juicy，由於我係芝士控，佢呢個半溶芝士除左口感好好，芝士鹹香味都出曬黎 🤤飲品：店員特調 Mocktail佢哋嘅飲品都好多選擇，除咗咖啡、茶之外仲有幾款 Mocktail，當中最特別嘅一款就係店員嘅 Omakase 😍 係到上枱嗰一刻先知道調咗杯乜嘢出嚟 🤩 今次店員幫我調咗杯玫瑰桃梳打，入口有桃嘅香甜，梳打份量剛剛好，有汽但唔會好搶，最後有少少玫瑰香，好有驚喜 😋佢地 Combo 有跟薯條，炸得非常香脆，唔點醬食都好香口 😋