影片
更多
2015-09-14
422 浏览
近日于網上獲知長沙灣青山道有間王孖記菓子所售賣的芒果糯米糍受落程度很高，而係開個頭返工嘅筆者梗係即刻前去一探究竟啦~網上得知此店每日供應有限，所以平日只有特定三個時段售賣，時間係12:00/15:00/18:00，而星期六特定售賣時間係13:00/16:00兩個時段。每一日除咗固定嘅北海道3.6牛奶口味之外，亦會推出其他兩種特別口味，星期六除外。王孖記芒果糯米糍口味有多種選擇，當中包括綠茶、水蜜桃、榴蓮、朱古力、黑糖、好立克、奶茶、益力多、咖啡、焦糖以及珍寶(原味)。筆者選擇下午12點時段前去，到達之時剛好12.15pm，赫然發現店舖門口已排有一條長龍在陸續購買糯米滋，當時自然反應當然係加快腳步行到龍尾排隊等派籌啦~眼見派籌阿叔手上的籌越派越少，心裡亦開始默默禱告，最終發現原來禱告是有效的，因為筆者正正是該時段最後一位~！(每人每個時段只能夠購買6個)拎好籌在等待購買期間，很多慕名前來嘅朋友都一一失望而回。
適逢當日係星期五，筆者當然將所有可能買到嘅口味盡掃啦~是日嘅戰績係一個珍寶、一個北海道牛奶、2個咖啡以及2個焦糖。王孖記芒果糯米糍首要最吸引人之處，當然係佢嘅巨型外形啦~其次就
網上得知此店每日供應有限，所以平日只有特定三個時段售賣，時間係12:00/15:00/18:00，而星期六特定售賣時間係13:00/16:00兩個時段。每一日除咗固定嘅北海道3.6牛奶口味之外，亦會推出其他兩種特別口味，星期六除外。王孖記芒果糯米糍口味有多種選擇，當中包括綠茶、水蜜桃、榴蓮、朱古力、黑糖、好立克、奶茶、益力多、咖啡、焦糖以及珍寶(原味)。
筆者選擇下午12點時段前去，到達之時剛好12.15pm，赫然發現店舖門口已排有一條長龍在陸續購買糯米滋，當時自然反應當然係加快腳步行到龍尾排隊等派籌啦~眼見派籌阿叔手上的籌越派越少，心裡亦開始默默禱告，最終發現原來禱告是有效的，因為筆者正正是該時段最後一位~！(每人每個時段只能夠購買6個)
拎好籌在等待購買期間，很多慕名前來嘅朋友都一一失望而回。
適逢當日係星期五，筆者當然將所有可能買到嘅口味盡掃啦~是日嘅戰績係一個珍寶、一個北海道牛奶、2個咖啡以及2個焦糖。
王孖記芒果糯米糍首要最吸引人之處，當然係佢嘅巨型外形啦~其次就梗係入面嘅原隻新鮮芒果餡，再來就係略薄嘅外皮，彈牙有嚼口，再加上自家調製嘅多種口味，繼而俘虜了許多饞嘴的食客慕名前來~
珍寶外形比一般的大，屬於原味，適合喜歡原汁原味的食客們，而咖啡與焦糖味道不會太濃，沒有一絲喧賓奪主之感，一絲絲的咖啡與焦糖味，隨著芒果鮮甜滋味後韻絲絲入味。
北海道牛奶味與芒果鮮甜味極為相襯，嫩滑奶味之輕描淡寫，襯托鮮甜芒果之餘味，特別令人回味。
由於全人手製作，因此每日供應有限，想要一試嘅朋友，記得提早前去攞籌，因為店方不設預留，目前會以店舖售賣為主，售完即止！
註：星期日及公眾假期休息
张贴
