Casa Luca (已結業)

係九龍灣工廠大廈返工既朋友一定會去過E-max食午餐，最近發現呢間幾高質嘅餐廳，名字感覺特別高級。餐廳門面有一幅非常搶眼嘅雲石牆，正前方亦有雲石枱，種種因素吸引左我試試。我叫左水牛雞脾飯。不得不說以紙盒呈上食物令人感覺有啲頹，但味道能夠彌補視感上既不足。雞脾大隻香脆，唔會太粉。另外以水牛城辣醬拌飯係第一次，酸酸辣辣幾開胃。我朋友叫左炸子春雞套餐（全隻）。份量真係嚇死我，尤其係薯條，多到滿瀉咁滯。炸子春雞肉質幾嫩，調味足夠，食曬全隻春雞之後，我朋友充滿能量繼續工作午餐加$3就有飲品。雖然係膠杯，不過印上自己餐廳名字令整件事更高級。自己平時lunchtime多數食帶飯，所以今日食貴啲都唔過份！心情都靚啲。