影片
更多
2017-06-21
2287 浏览
約左好姊妹飯聚，可惜我臨時要OT遲大到，真係SORRY!!!黎到兩個姊妹都正在開餐，好彩另一個姊妹就話食左TEA唔餓等埋我。好姊妹誠意推介，佢飲完話好正 - 我愛金莎(特濃金莎朱古力雪冰)$78，如果叫野食，跟餐價就$45，心諗: 都唔平喎! 點知一黎到，不禁「 嘩」一聲! 一隻高杯都裝唔晒，仲要高成倍。高出黎呢坐「雪山」真係好高，山頂仲有粒金莎。因為驚佢「雪崩」，都即刻啜多幾啖先。好濃朱古力同榛子味，難得佢唔太甜，正~呢杯嘢兩個人「些牙」都得，所以加$45其實一啲都唔貴。黑松露香煎鵝肝意大利飯 $168，望落去以為飯好少，其實隻碟好深吓，飯量好鬼多。呢隻碟設計唔錯，可以保持食物溫度，等啲野食唔會攤開咁快凍(意大利飯凍左就唔好食)，外圍又可以加裝飾伴碟或畫圖案。塊鵝肝好大好厚，封煎得兩面微焦，好香脆，有恰到好處嘅羶味。面頭仲有黑松露醬增加味道層次。意大利飯好煙韌，好CREAMY，仲有好多菇菌，好足料。成個飯味道好好味，但略嫌偏咸扣左分。厚燒安格斯肉眼扒$208，睇擺碟已經好精美。又係超級巨型，成支义咁闊，好誇張啫。肉質都幾鮮嫩，食得出牛味好重，係安格斯黎。我地叫左五成熟，但出到嚟就有啲
好姊妹誠意推介，佢飲完話好正 - 我愛金莎(特濃金莎朱古力雪冰)$78，如果叫野食，跟餐價就$45，心諗: 都唔平喎! 點知一黎到，不禁「 嘩」一聲! 一隻高杯都裝唔晒，仲要高成倍。
我愛金莎(特濃金莎朱古力雪冰)
$45
41 浏览
1 赞好
0 留言
黑松露香煎鵝肝意大利飯 $168，望落去以為飯好少，其實隻碟好深吓，飯量好鬼多。呢隻碟設計唔錯，可以保持食物溫度，等啲野食唔會攤開咁快凍(意大利飯凍左就唔好食)，外圍又可以加裝飾伴碟或畫圖案。
黑松露香煎鵝肝意大利飯
$168
29 浏览
0 赞好
0 留言
面頭仲有黑松露醬增加味道層次。
意大利飯好煙韌，好CREAMY，仲有好多菇菌，好足料。成個飯味道好好味，但略嫌偏咸扣左分。
厚燒安格斯肉眼扒$208，睇擺碟已經好精美。
厚燒安格斯肉眼扒
$208
20 浏览
0 赞好
0 留言
肉質都幾鮮嫩，食得出牛味好重，係安格斯黎。我地叫左五成熟，但出到嚟就有啲部份係差唔多七成熟，算係少少失手，不過肉眼扒肥瘦適中，都算係唔錯。
扒嘅底下仲有薯角，吸收左啲肉汁更惹味。好飽肚呀。
食完飯大家吹水談心，突然間熄左燈，原來有兩枱都有人生日(乜咁啱)，大家唱生日歌，一杯杯用巨型嘅香檳酒杯盛載嘅巨型雪糕被捧出黎，大到兩隻手先捧得穩。咦.....我地都有嘅?! 我地冇人生日喎，除左我係下個月生日。好驚喜，哦，原來食滿$800(加一後)就有得送$198嘅怪獸雪糕一杯(事實上係一座)。
第一個感覺係震憾驚喜，之後我地幾個就對住座雪糕傻笑「Hahaha，點食呀，仲話減肥」，然後就梗係瘋狂影相放上FB呃Like啦。係咁影呀📷影呀📷影📷! 影到溶晒先記得幫佢影張獨照。
怪獸雪糕
34 浏览
0 赞好
0 留言
座雪糕唔係只sell巨型，啲雪糕球質素都好高。每一球都係軟滑而且味道十足，睇下個士多啤梨味有果肉架，唔係cheap野黎，全部都係Dreyer's黎架，真係誠意十足。
成個杯底都朱古力威化。
仲有新鮮士多啤梨、棉花糖、可可脆片……
佢本來係高過我前臂加手掌架，真係好顛。呢個甜品真係4個人食都覺得多，就算要俾$198都算係性價比十足，而家仲要免費。最緊要係大家笑住食，一邊食一邊瘋狂影相，咩儀態咩減肥都暫時放埋一邊，此刻無價。
食完野「兩隻」店長都訓醒覺出巡，注意📢📢 貓出沒注意
兩隻貓店長都好乖，人地食野佢就訓覺(佢訓覺就唔好摸佢喇，擾人清夢，小心被教訓!)，人地食完佢地就出黎玩，仲任摸任抱。
餐廳佈置得俾人感覺好relax，內部裝潢以白色為主，仲有大彩虹，櫈就花花圖案，窗簾就粉藍色天空圖案。呢度地方唔大，裝修又唔係豪華，但感覺好溫馨又relax。
仲有啲小遊戲可以玩，啱晒一大班friend嚟輕鬆一晚。
全部野食都好巨型，又幾好味，本來OT好辛苦，食完真係大減壓，大滿足。同知己好友食個令人開心嘅晚餐，無所不談，開懷大笑一整晚，其實開心就係咁簡單!
张贴
