瀛豐放題料理專門店

今日同朋友嚟咗位於銅鑼灣嘅呢間瀛豐放題料理專門店度食午餐 下午時間嚟到唔太多，兩個人都被安排咗坐四人卡位坐得夠晒舒服，而且空間夠晒闊落啊 餐廳菜光到十足有一大排玻璃窗適合晒chill一個下午同時享受美食人氣之選原條鰻魚飯 上菜時竟然同圖片完全冇出入 原條日式鰻魚 好似棉胎咁蓋喺飯上面令人食指大動 鰻魚上面有滿滿嘅鰻魚汁香甜入味 鰻魚肉夠晒厚身 鮮甜彈牙一啲骨都冇 上面仲有玉子日式甜蛋 另外朋友就叫咗個酸菜魚飯 呢味餸即叫即煮需要等咗陣先有得食 魚肉份量好多 同時魚肉好嫩滑火候啱啱好 同樣係無骨 湯底酸酸辣辣 超級惹味下面嘅芽菜亦都爽口