Supine (已結業)

今日同同事去咗石門嗰度食午餐，同事介紹咗呢一間，裏面個環境唔係好大，同事話平時好多人，今日好好彩一去到就有位，望左個Menu之後，最吸引都係巨人漢堡（$78），加配凍蜜桃紅茶（+$4）上面有好多公仔，個個公仔都望街😂同事話公仔應該好多油煙味🤣巨人漢堡好大個，塊漢堡好juice，有煙肉、蕃茄、生菜、蘑菇、煎蛋、洋蔥，配埋個醬，真係好好食，唯一困難係太大，好難食到。薯條好粗好厚肉，仲有香草加埋一齊層次升級左，另外叫店員俾一沙律醬，沙律醬又好好食（無影到），沙律醬有香草，加埋薯條好正。如果下午一齊就唔平，但係以漢堡來講，就幾抵食。