將軍拉麵 (已結業)

星期一，個人永遠都係冇咩精神，而且最近天氣咁熱就令到個人又冇心機又冇胃口，但飯始終都係要食既，收工行呀行，見到砵蘭街近油麻地一段都幾多唔同既餐廳，其中有一間拉麵店只係6:30就已經坐滿人，就係咁吸引左我去試。店入面有6款不同拉面及其他小食，我點了一個金拉麵($84)，一黎到個湯底金金黃黃，好吸引呀，食落係啖啖既咖哩味，好香濃醒胃，令到我係呢個悶熱既天氣都胃口大開。而且配料都唔小，有雞肉、洋蔥、芽菜、半熟蛋、蔥。拉麵係較幼的，但都好有咬口，好彈牙。另一大重點，個雞肉出奇地滑，好嫩口。平時食咖哩多數係配麵，但今次試完之後發現感覺好新鮮，都好配另外我仲點左個麻醬凍蕃茄($28)，感覺好清新，而且仲好開胃，雖然個蕃茄好大(一個可以分8件)不過一個人都食得晒，實在係消暑既好選擇。