辨面館 (已結業)

跟住开饭地图走，揾唔到间店，仲以为摸门钉，原来在转角斜路上，餐厅店子细细座位唔多，但持续有客人光顾，就知系好野。 点选面食可以优惠价追加小食及饮品，价钱$5至$40不等，我地追加左好多款。 八珍甜醋鸡丝沙律 $35摆盘好西式，感觉食紧西餐，沙律菜新鲜，鸡丝肉嫩，配埋八珍甜醋拌住食果然系份外香~一口鲜虾炸云吞（4粒） $40云吞皮好薄好脆口，虾胶馅料虾味浓且弹牙，沾上甜酸汁美味，精巧的炸云吞非常出色，甚有惊喜。龙抄手 （2粒）$15云吞皮薄滑嘟嘟，虽然底部满布红油同辣椒，但食落唔算好辣，容易入口，$15有两粒又几抵㖞。 香脆辣子单骨鸡翼（4条）$30唔好睇少呢个鸡翼，新鲜热辣炸起，初时食落唔觉辣，但愈食愈麻，好刺激。 慢煮吉列猪扒担担面 $98吉列猪扒香酥脆卜卜，但肉质唔会炸到干身，担担面汤底杰身浓郁，面条Q弹，连埋中间只流心蛋，美味到好似食紧日本沾面甘。 自家制柠檬薏米水 $10好多薏米够足料，味道清清地唔甜好解渴。 豆沙锅饼 $68上碟热辣辣，豆沙馅软糯饱满，正呀!只系稍为外皮硬左少少。