光榮冰室 (兆和街) (已結業)

明明早餐來來去去都係過啲嘢，但價錢就越嚟越貴，正經食返餐有時仲貴過食中午。無奈間中都想正經食，左睇右睇，都係依間早餐至抵！早餐冷熱同價都唔適合凍飲，牛乳炒滑蛋多又滑，牛油方包仲軟熟，但外賣好濕，用紙袋分開裝就好；生滾沙嗲牛無落粉都唔會硬，沙嗲味適中，一丁果然夠多，粉同油都留俾你落驚你唔信係真。依個餐絕對飽肚，我估比市價平十蚊，如果午晚餐可以轉吓款，相信會更好幫襯。