一喜燒 (已結業)

同老友試咗間叫「一喜燒」嘅餐廳，入去個陣簡單而充滿工業風嘅設計真係吸引到我眼球。講返嘢食先，最先嚟咗必試豬頸肉串😳 豬頸肉多汁鮮嫩、肥而不膩，入口有慢慢溶化嘅感覺！燒韭菜燒完都依然綠油油💚，仲要整整齊齊串住，爽脆又方便進食（果然貼心！）脆香墨魚嘴真係令我垂涎三尺🤤個種脆的確令人回味！簡簡單單一串霸王豬大腸都發揮出串燒嘅精髓🔥口感配搭調味飄香，睇得出大廚有別具心思！當然唔少得男人至愛嘅蒜香生燒生蠔🦪，多汁厚身又保存好新鮮嘅味道，難得難得！招牌一喜燒茄子皇🍆成條長長茄子都好加足料，蒜蓉同香蔥燒到香氣四溢，皮脆內軟，五味俱全！爆珠紅糖冰粉絕不失禮，真係甜品首選！爆球足料酸酸甜甜🤭紅糖甜度適中，夏天☀️消暑必食推介～一定會叫多啲姊妹嚟試