一喜燒 (已結業)

一喜燒有別一般狹窄嘅串燒鋪，空間感較大，以工業風作主調。有唔少吸睛嘅打卡點📸 如「邊飲邊等」霓虹燈飾，為平凡嘅水泥牆增添幾分趣味，加上環境熱鬧，十足一間港式居酒屋🏮燒牛舌 $38 夠厚切，肉質有彈性，肉汁豐富！豬頸肉串 $16 肉質爽身，口感油潤滑順👅 新疆羊肉串 $20 香料銷魂，同軟嫩嘅羊肉完美融合，令人回味！😍😍😍燒牛肉粒 $22 塗上咗秘製醬汁再燒香過，令牛味份外香濃🐮 燒雞腎串 $16 香氣濃郁，爽脆有嚼勁，滋味不凡😋 雞肉串 $16 肉質酥軟，鮮鹹濃醇。燒豆卜 $16 比平時炆煮嘅豆味更濃厚～燒牛胸油 $18 比較少見，值得一試！質感爽脆，有啲似食臘肉嘅感覺，滿口脂香🤤 燒雞泡魚乾 $38 少少燶脆，油脂清香。再蘸上沙律醬，佐酒一流🍻