星色娘惹風味 (已結業)

約咗個朋友去新都會廣場健身室做運動，運動前我自己通常都會食D嘢，坐van仔去到大連排道落車，門口就係金龍工業中心，見到有個二拉架食D喇沙之類既食物，八卦吓睇下先，反正咁近，上去睇下先。環境唔錯，地方寬闊又雅緻，光猛、空氣又流通，坐位舒適，綠色環保，仲有點古色古香的感覺😊招牌大蝦蝦喇沙，話明係招牌，更係要試吓啦😋😋招牌大蝦🦐喇沙——名符其實，隻蝦🦐真係幾大隻禾，喇沙味道濃郁，椰香又夠味道，配料都幾多，豆腐卜，雞🐔蛋、魚🐟蛋，喇沙味道確實做得不錯。🍋檸檬薏米水——味益清甜，食完喇沙飲就最啱😋酥炸螃蟹海鮮肉球——-真係幾特別，用D蟹肉同海鮮炸成一粒肉丸🍡，又幾特別，爽口彈牙😋😋真係估唔到工廠大廈都有D咁有風味既嘢食，而且環境也設計得好雅緻😊😋