丼瀛 (已搬遷) 新店位置

觀塘工業區有好多大大小小嘅食堂，一日試一間我諗試幾年都試唔完。今次有朋友帶我黎呢間日本餐廳，感覺都幾新鮮。叫左都唔少野食，有芝麻雞翼，海膽豆腐，甜蝦刺身卷，炸芝士餅，天婦羅拼盤同埋海膽蟹柳三文魚籽魚生飯。整體野食都算係做到日式餐嘅水平，特別魚生飯都算幾足料。反而值得一提係餐廳老闆（其實唔知係唔係老闆，只係佢無著店員嘅衫），算係幾好人。問佢有咩推介，佢會好耐心咁介紹。另外裝修幾有落足心機，仲有近期香港黃店獨有嘅連儂牆，值得加分！