影片
更多
2023-06-07
1138 浏览
幫完朋友手，對方話請食晚飯…火炭區美食沙漠，請我食飯即係玩我啫當我想SAY NO時，可惜個肚唔爭氣真係好餓，唯有跟個朋友去食嘢我：好餓，係咪好遠？他：唔洗，好近，行兩步（我心諗：唔係嘛！工業大廈附近喎！人人都知工業區個個都情願叫外賣送遠啲都肯比運費架喎！）結果未諗到點拒絕時，已經到左「火炭冰室」！咁都OK丫！叫得冰室，是但一份三文治／常餐／炒飯都係賣飛佛！但估唔到睇餐牌又有啲驚喜！因為茶餐廳格局，但竟然賣西餐！！！驟眼睇又唔係有咩特別，都唔係好伏加上朋友請客，好好醜醜是但食飽就算喇最後我哋叫左：1.大蝦黑松露忌廉炒意粉：呢個好味，意粉軟硬度適中，黑松露唔會搶左忌廉味，而且大蝦真係大蝦，爽口啖啖肉2.香辣單骨雞翼 ：呢個都好味，辣辣地，好香口！鍾意佢單骨，食得斯文，見佢好炸，但雞肉冇好乾3.金莎薯條：呢個必食！咸香咸香薯條，即叫即炸，辣住條脷都要搶住食，最快清曬，仲要兜入面啲碎濕濕都清埋4.蝦多士：呢個都好好味，蝦膠夠香，脆得黎鬆化5.燒春雞：呢個好好食，雞醃得啱啱好，唔會太咸，睇個樣以為好dry，原來又唔係，幾juicy 6.德國咸豬手：呢個我最鍾意，因為要多人先食到，次次兩丁友食完豬
火炭區美食沙漠，請我食飯即係玩我啫
當我想SAY NO時，可惜個肚唔爭氣
真係好餓，唯有跟個朋友去食嘢
我：好餓，係咪好遠？
他：唔洗，好近，行兩步
（我心諗：唔係嘛！工業大廈附近喎！人人都知工業區個個都情願叫外賣送遠啲都肯比運費架喎！）
結果未諗到點拒絕時，已經到左「火炭冰室」！
咁都OK丫！叫得冰室，是但一份三文治／常餐／炒飯都係賣飛佛！
但估唔到睇餐牌又有啲驚喜！
因為茶餐廳格局，但竟然賣西餐！！！
驟眼睇又唔係有咩特別，都唔係好伏
加上朋友請客，好好醜醜是但食飽就算喇
最後我哋叫左：
1.大蝦黑松露忌廉炒意粉：呢個好味，意粉軟硬度適中，黑松露唔會搶左忌廉味，而且大蝦真係大蝦，爽口啖啖肉
2.香辣單骨雞翼 ：呢個都好味，辣辣地，好香口！鍾意佢單骨，食得斯文，見佢好炸，但雞肉冇好乾
3.金莎薯條：呢個必食！咸香咸香薯條，即叫即炸，辣住條脷都要搶住食，最快清曬，仲要兜入面啲碎濕濕都清埋
4.蝦多士：呢個都好好味，蝦膠夠香，脆得黎鬆化
5.燒春雞：呢個好好食，雞醃得啱啱好，唔會太咸，睇個樣以為好dry，原來又唔係，幾juicy
6.德國咸豬手：呢個我最鍾意，因為要多人先食到，次次兩丁友食完豬手就乜都食唔到。咸得黎唔會口乾，皮脆肉嫩好痴線，食完一舊，大家又搶過，超快清碟
整體而言，價錢合理，味道屬優，夠曬大碟，性價比高，同埋好鍾意伴碟有沙律菜🤤🤤。位置喺工業區，有驚喜！住火炭既應該可以做飯堂
話說，朋友叫我下星期再黎幫手，我話午餐可以再食呢間，佢話午餐係另一個menu!!! 原來店入面loop住條片，講雞既就係佢哋午市菜式，於是我又應承個朋友下星期再見🤣🤣「幫手唔係問題，最緊要包食」🤣🤣🤣
**食家們，原來佢哋唔係日日做晚市，自己可以打去問吓，或者睇佢ig / fb
大蝦黑松露忌廉意粉
28 浏览
0 赞好
0 留言
香辣單骨雞翼
19 浏览
0 赞好
0 留言
金莎薯條
12 浏览
0 赞好
0 留言
蝦多士
26 浏览
0 赞好
0 留言
燒春雞
20 浏览
0 赞好
0 留言
咸豬手
19 浏览
0 赞好
0 留言
张贴
