影片
更多
2013-08-25
295 浏览
由於是團購買下的關係, 超初異常難訂座.但當頭"浸"人潮消化之後, 提早2星期訂位便可以了.不得不讚接線生的服務態度一流. 沒有因為是團購客的緣固而歧視客人.說回正題. 訂座時說好了用餐時間為19:15-21:15.我到逹餐廳時只是18:45. 店員也有放行安排入座. 在餐廳內等候. 因入夜後工廠大廈空氣不太流通.坐底後店員不停穿梭放好每款食物.夠鐘開餐了.顧客人窩蜂去"搶"食物. 但本人有點不滿客人的做法.因為有碟食物是"芝士焗開邊大蝦E麵", 但客人將所有的芝士開邊蝦夾走, 淨低全盤原封不等的E麵.說回食物種類:飲品有:菠蘿汁, 橙汁, 凍0茶等等, 全是自助形式, 仲有見到疑似罐裝啤酒既物體, 都係任飲的食物:牛肉(任食)火鍋 -- 牛肉係任食, 每食完一碟侍應就會問你仲要唔要. 好好食, 有牛味, 唔係得個"肥"字. 另外仲有火鍋用的丸丸, 菜菜等任食.請留意, 火鍋豉油跟刺身豉油是不同的, 我地就中伏了, 哈哈. 揾唔到火鍋的豉汁, 用刺身豉油去醮牛肉燒蜜糖豬仔肶 -- 有食, 好食, 口感似火腿.蒸魚 -- 唔知係乜魚, 我估係"斑", 比人搶哂, 無緣食羅宋湯 -- 好夠
但當頭"浸"人潮消化之後, 提早2星期訂位便可以了.
不得不讚接線生的服務態度一流. 沒有因為是團購客的緣固而歧視客人.
說回正題. 訂座時說好了用餐時間為19:15-21:15.我到逹餐廳時只是18:45. 店員也有放行安排入座. 在餐廳內等候. 因入夜後工廠大廈空氣不太流通.
坐底後店員不停穿梭放好每款食物.
夠鐘開餐了.
顧客人窩蜂去"搶"食物. 但本人有點不滿客人的做法.因為有碟食物是"芝士焗開邊大蝦E麵", 但客人將所有的芝士開邊蝦夾走, 淨低全盤原封不等的E麵.
說回食物種類:
飲品有:菠蘿汁, 橙汁, 凍0茶等等, 全是自助形式, 仲有見到疑似罐裝啤酒既物體, 都係任飲的
食物:
牛肉(任食)火鍋 -- 牛肉係任食, 每食完一碟侍應就會問你仲要唔要. 好好食, 有牛味, 唔係得個"肥"字. 另外仲有火鍋用的丸丸, 菜菜等任食.
請留意, 火鍋豉油跟刺身豉油是不同的, 我地就中伏了, 哈哈. 揾唔到火鍋的豉汁, 用刺身豉油去醮牛肉
燒蜜糖豬仔肶 -- 有食, 好食, 口感似火腿.
蒸魚 -- 唔知係乜魚, 我估係"斑", 比人搶哂, 無緣食
羅宋湯 -- 好夠味, 但以唔食辣既我黎講, 就太辣了.椒鹽豬扒 -- 好食, 估唔到工廈可以做到呢個水準
牛肉菇菇炒西蘭花 -- 略嫌牛肉"乸"到冇乜味, 得個淋字, 但整體都好好食
刺身 -- 有三文魚, 鮑片, 八爪魚片, 螺片, 海膽, 牡丹蝦(真係好少放題有得食, 正!), 魷魚
甜品:焦糖燉蛋 -- 超好食, 我食左4杯. 本人唔太食甜品, 甚至於各大酒店的BUFFET甜品, 都吸引唔到我, 唯獨此店既甜品, 我都敢於嘗試.
慕絲 -- 侍應端起全場問要唔要既甜品, 唔知乜名, 但超滑超好食.
整體來說, 侍應服務超讚, 待客至上.
收碟速度快. 食物水準異常高, 絶對有下次.
最喜出望外的係有牡丹蝦, 但於首輪(19:15)後, 絶跡了, 到接近2030才出來, 仲要係出左好好好多, 全場人排完隊攞完, 都仲可以ENCORE再排, 與此同時多左海膽. 貴精不貴多, OK, 我BUY, 哈哈.
缺點 : 唯獨是洗手間設計有點差, 沒有拉繩, 需要自行攞條水喉清潔. 需作出改善.
题外话/补充资料：
訂位時, 由於我們是一行七大人加一個手抱BB, 店方都好體諒地安排窗邊, 方便停泊BB車用.讚.
(以上食记乃用户个人意见 , 并不代表OpenRice之观点。)
张贴
