海潮食堂

营业中

休息中

平時都比較少去觀塘區，因為同屋企距離比較遠，除咗去開APM出show，先有機會去下。咁難得有咁嘅機會，當然要去觀塘區搵吓好嘢食啊。朋友介紹咗間位於工廠大廈下面嘅餐廳，佢話呢度嘅老細好funny，啲菜式仲好有特色添。第一次嚟，當然要試吓呢度最出名嘅牛腩蝦條煎米粉，每客$46。嚟到真係嚇一跳，我煎米粉成隻碟咁大，我一個女仔點食得晒呀。不過味道又真係好出色，我米粉煎得好香，蛋非常多，而且個牛腩好特別，炆得好腍，撈左蒜頭同辣椒，非常之惹味，米粉撈埋嗰汁，完美啊。有機會要來試埋蔥蛋治，相信都會唔錯。