影片
更多
2021-10-19
37 浏览
返工朝九晚六做到隻狗咁，lunch梗係要對自己好啲，苦中一點甜。公司樓下呢間西餐，成日晏晝都好多人，就睇吓係咪真係咁好食先！佢係喺工廠入邊，但擁有歐陸風格嘅裝修，完全係沙漠之中嘅綠洲，繁忙之中嘅一點寧靜！少女心爆發，即刻不停打卡影相🥰雖然佢咁多人食，但佢嘅午餐都唔算太貴。價錢大概88至138都有，豐儉由人。而且跟餐仲有包括餐湯同埋嘢飲👍🏻今日嘅餐湯係雜菌蘆筍忌廉湯個湯嘅質感比較杰身，菇嘅味道非常之充足。如果個鹹味重返少少就好啦。Wugyu beet. mushroom.onion cheese burger with French fries $108洋蔥野菌和牛芝士漢堡配薯條個配套好豐富，有菜又有肉，感覺上係均衡嘅飲食🤣🤣🤣個漢堡嘅包包焗到好脆，再夾埋juicy既黃牛漢堡扒😋好正，同埋個野菌汁好惹味。大大個加埋埋香脆嘅薯條，食晒嘅話應該飽到今晚🤤ltalian tomato risotto with scallops $108香煎帆立貝意式茄醬意大利飯焦面既帆立貝好香脆，而且都好大粒！平時大多數食白汁嘅risotto，原來茄醬既risotto都好好味，蕃茄酸酸地感覺上冇白汁咁漏。飯嘅
公司樓下呢間西餐，成日晏晝都好多人，就睇吓係咪真係咁好食先！
佢係喺工廠入邊，但擁有歐陸風格嘅裝修，完全係沙漠之中嘅綠洲，繁忙之中嘅一點寧靜！少女心爆發，即刻不停打卡影相🥰
雖然佢咁多人食，但佢嘅午餐都唔算太貴。價錢大概88至138都有，豐儉由人。
而且跟餐仲有包括餐湯同埋嘢飲👍🏻
今日嘅餐湯係雜菌蘆筍忌廉湯
個湯嘅質感比較杰身，菇嘅味道非常之充足。如果個鹹味重返少少就好啦。
Wugyu beet. mushroom.onion cheese burger with French fries $108
洋蔥野菌和牛芝士漢堡配薯條
個配套好豐富，有菜又有肉，感覺上係均衡嘅飲食🤣🤣🤣個漢堡嘅包包焗到好脆，再夾埋juicy既黃牛漢堡扒😋好正，同埋個野菌汁好惹味。大大個加埋埋香脆嘅薯條，食晒嘅話應該飽到今晚🤤
ltalian tomato risotto with scallops $108
香煎帆立貝意式茄醬意大利飯
焦面既帆立貝好香脆，而且都好大粒！
平時大多數食白汁嘅risotto，原來茄醬既risotto都好好味，蕃茄酸酸地感覺上冇白汁咁漏。飯嘅軟硬度都好適中，岩我口味🙌🏻之前食過d有d米會生生地🤣
食完之後享受埋杯嘢飲就要返返去地獄囉🥲
张贴
