魔膳工房 (已易手) 新餐厅

每到工廠大廈覓食就好似探險咁 今次經朋友介紹下到魔膳工房食晚餐！餐廳位置好易搵 梯間都有佈置上到一樓 見到好大個餐廳招牌 招牌側邊有花花草草陪襯住 第一個感覺已經覺得呢間餐廳風格好特別工廠大廈中搵到一點藝術氣息果然餐廳內部設計都好特別 兩個人叫左兩個set dinner 首先上餐湯主菜黎喇！蒜香牛油大蜆意粉 （辣）蒜味唔重 意粉彈牙 蜆肉大隻 雖然佢話辣 但其實一d都唔辣 食唔到辣既朋友都可以點呢個！德國烤原隻豬手配薯角跟黑椒汁 巨型豬手 唔好期望係脆豬手皮 呢間豬手皮厚身（=多骨膠原）同較彈牙 咬落唔硬唔實 肉質似一絲一絲咁 要讚下個黑椒汁 好濃味 點少少已經好夠黑椒味最後叫埋餐飲 兩個人食左$364