G. Cuisine (已結業)

呢日係結婚紀念日, Book 唔到buffet , 大廚好朋友就介紹嚟呢度!一行人一齊去慶祝去到係工廠內嘅食店, 真係估佢唔到有間咁有情調嘅餐廳!我哋每人食咗3道菜, 再加甜品, 仲有店主為我哋特別做嘅蛋糕, 好開心呀!所有食物都好好味, 估唔到只係幾道菜, 但大家都食到好飽呀! 甜品做得好靚, 好精緻, Green Tea Cake味道清新, 仲夾雜咗橙香!Cheese Cake 一食再食! 心太軟甜度剛剛好,甜而不膩! 唔會好似出面有d餐廳咁做得過甜。最估唔到就係, 店主為我們做榛子蛋糕, 真係好出色!一向我同老公都唔食榛子蛋糕, 係因為真係又甜又膩, 所以平時一定唔會叫!但今次呢個蛋糕, 真係令我對榛子蛋糕, 完全改觀!估唔到可以做到咁香又唔膩!真係多謝晒同行好友, 出席一齊慶祝, 仲介紹咗個好地方俾我哋!