日月星辰 (已結業)

今日去完屯門工廠區見客，做到有啲餓，行過見到一間叫日月星辰嘅台式cafe，一於入去試吓啦！好，坐低睇吓有咩好食先！芝士漢堡扒閩南拌麵，睇落幾健康，有好多蔬菜，倒入醬油，撈完就食得，麵條彈牙，配埋其他蔬菜食，層次更豐富，漢堡扒切開有芝士流心，唔錯！青咖喱鹽酥厚豚扒飯，青咖哩好濃稠，椰香味重，豬扒炸得幾好，炸皮薄，點埋青咖哩，送飯一流！招牌鹽酥雞，非常酥脆，鹹鹹地，風味十足。墾丁台灣腸，咬落爆汁，香腸皮好爽脆，正！單骨雞翼，食落好方便，同泰式酸辣醬簡直係絕配。