8號茶居 (宏業南街)

中午去元朗工廠區整車，見有D時間，周圍行下見呢間有得飲茶食點心，決定入去試下。

食左幾個必食推介，再加D香口炸野😂

雪山叉燒包：👍🏻呢個真係強推！個皮好酥化，叉燒餡香甜❤️食上癮

炸野叫左炸雲吞同腐皮卷：2款都好香脆👍🏻皮薄而且炸得好香口，脆到食薯片咁🤤

薑蔥牛栢葉：呢間做得好出色👍🏻好新鮮，爽口又惹味

木魚燒汁茄子：燒茄子上面仲有D墨魚滑，茄子肉咬落去D汁咇曬出嚟，好juicy

點心整體水準好高👍🏻全部都好好味🤤 茶位$6/位，又唔使加一，非常抵食，推介👍🏻