瘋鳥 (已結業)

Lunch Set $59起，無加一，又包嘢飲，性價比高。菠菜忌廉汁𩶘魚柳飯好大碟，魚柳煎得外脆內嫩，淋上醬汁後味道更濃郁。牛肉漢堡包入面夾住厚厚嘅漢堡扒、煙肉、大啡菇、番茄、生菜，材料豐富。套餐仲連埋粗切美國薯條同沙律菜，非常飽肚。餐飲點咗薄荷茶同泡沫咖啡。熱茶連茶包上，薄荷香氣清新，好解膩。咖啡味道普通，但口感幼滑，奶泡豐厚，都唔錯。最後叫咗份柚子芝士蛋糕做甜品。蛋糕分成啫喱、芝士蛋糕同餅底三層，層次豐富。另外再加埋柚子醬，酸甜開胃，甜而不膩。